الغيرة بين الصديقات

من بين مجموعة كبيرة من البنات سارة ولمى صديقات روح بالروح معروفات بين البنات بحسن أخلاقهم ما بفترقون إلا نادر .

سارة : لمى وين رايحه ؟
لمى : مو بعيد بس تخبرين من زمان ما جلست مع أمل وودي اليوم في الفسحة أجلس معها .
سارة تعطيها نظرة قويه وتنزل راسها

لمى خافت على صديقة العمر : وش فيك عسى ما شر قلت كلام يزعل
سارة : لا لا روحي معها خلاص .

لمى علامة تعجب على راسها وتمشي لصديقتها أمل اللي تحبها ونفس الشي تحب سارة بس هي لاحظت تضايقها من أول ما تجيب طاري أمل !!!

طول جلستهم مع بعض سارة قلبها مو مطمئن رايحه وجايه وتمر من المكان اللي جالسين فيه وتناظر لهم لدرجة خلت لمى ما ترتاح نهائيا وهي تشوفها متضايقه ..

ينتهي اليوم و ساره قالبه الدنيا و زعلانه يرجعون لبيوتهم تحاول لمى تكلمها على الجوال ما ترد ترسلها رسايل ما ينفع ..

كانت مستغربة جداً كله عشان جلستي مع أمل غريب تفكيرك

أنا صديقتك بس مو لك لوحدك

أنا أحبك بس القلب غصب يحب غيرك

أنت تبغين تملكيني لك فقط

أبي أعيش حياتي ليش تحكميني

ترد سارة برسالة مكتوب فيها : خلي أمل تنفعك ماراح أرجع صديقة لك مثل ما كنا !!!

هالمشهد يتكرر مع أشخاص كثير والسبب الغيرة الزايده وحب التملك

نحط في بالنا اللي أحبه لنفس أحبه لغيري

حتى لو كانت غاليه وصديقة عمري مو لازم ألاحقها في كل صغيرة وكبيرة !!

ليش أتضايق إذا سولفت لي عن أحد صديقاتها

ليش أبيها تحبني أنا وبس وأدخل في كل نقطة في حياتها !!

:: تساؤلات ::

هل هذا هو مفهوم الصداقة الحقيقي !!

كيف تتصرفين إن كانت صديقة لك تتصرف هالتصرف !!

هل تحرصين أن تعرفين كل شيء عن صديقتك حتى لو ما حكت لك هالشي !!

هل تشعرين بالغيرة عندما ترينها تميل لغيرك !!
مشكلة نواجهها أحيانا هذا الموضوع لمناقشتها